МИСТЕЦТВО ГАФТУ ЛЕМКИНІ МАРТИ

В другому і третьому поколінню лемків, яких тоталітарний режим депортував з Лемківщыни, гнеска проживаючих на Украіні все більше ентузіастів вивчення, збереження та продовження традицій і культури своїх предків.
 До таких патріотів належит молода лемкиня Марта Кулинич-Новицька, родичі якоі з Королика Волоського.
 На «відмінно» Марта закінчила Львівське державне музичне училище, згодом музичну академію ім. М.В.Лисенка за фахом «музикознавство» і гнеска викладае теорію музики в Дитячій музичній школі. Однако хобі Марти з дитинства – культура лемків. Вона виступае в народному ансамблі пісні і танцю «Лемковина», церковному хорі лемківськоі церкви Святих Володимира і Ольги у Львові, бере участ у вшиткых культурних міроприемствах лемків.
 Зачынаючи з 2000 року – заворожена техніком художнього гладевого шва (мистецтво вишивки), якому присвячуе свій вільний час. Лем в 2005-му році організувала чотири персональні виставкы творів свого мистецтва. В теперішнім часі, 20 січня 2006 року, проходила виставка у Львівському музею Д.Блажейовского. З великим ентузіазмом сотні лемків милувалися чарівним мистецтвом молодої лемкині Марти. «Лемківска Мадонна» вишита на основі авторскоі ікони лемкині Мариі Янко, напевно, належит до таких образів, якы в будучности охотно будут вшивати і други послідовниці.
 Виступаючы на откритю виставкы керівник центру народноі творчості Агнеска Ропецка сказала: «… мало таких, як Марта, што мают в мистецтві вышивки ікон власне творче лице…»
 «Я не прагну вивищуватись над кимось, я просто вишивам лем то, на што відгукуеся мое серце», - повіла Марта.
 Присутні довго колядували, співали лемківски пісні, розповідали про історию, традициі, красу рідной культури лемків.

Петро Когут.